Dy shpërthime të fuqishme trondisin Mitrovicën gjatë natës, reagon Policia e Kosovës

Mbrëmë pas mesnate në veri të Mitrovicës janë dëgjuar dy shpërthime. Siç raportohej nga mediat lokale shpërthimet kanë qenë të fuqishme, dhe banorët kanë dyshuar se mund të jenë bomba.

Policia ka deklaruar se shpërthimet kanë qenë si rezultat i fishekëzjarreve.

Këto shpërthime vijnë pas sulmeve ndaj Policisë së Kosovës të ndodhura ditë më parë në pikat kufitare, të cilat ishin shkaktuar nga serbët matanë kufirit me Serbinë. /Telegrafi